Apple jańa operatsııalyq júıesin tanystyrdy
ASTANA. QazAqparat - Apple kompanııasy óziniń operatsııalyq júıesiniń jańa nusqasy iOS 11-di usyndy, dep habarlaıdy Bı-Bı-Sı agenttigi.
Ol bıyl kúzde shyǵarylady. Jańa júıede messendjer arqyly aqsha jiberýge, faıldardy ońaı basqaryp, dısktegi oryndy únemdeýge múmkindik berilgen.
iOS 11-diń tusaýkeseri San-Hostaǵy Dúnıejúzilik qurastyrýshylar konferentsııasynda (WWDC) ótti.
Jańa operatsııalyq júıedegi eń keń kólemde talqylanyp jatqan jańalyq - faıldar menedjeri. Endi qoldanýshy faıldardy ózi basqara alady.
Budan ózge, aldaǵy ýaqytta iMessage arqyly tólemderdi júzege asyrýǵa bolady. Bul Apple Pay júıesi arqyly júzege asyryldy. Sondaı-aq, fotosýretter men kartalardy óńdeýge arnalǵan baǵdarlamalar jasaldy. Jańa iOS kúzde iske qosylady.
