Apple Watch qosymshasy asa qupııa jaǵdaıda jasap shyǵarylmaq
ASTANA. QazAqparat - Stıv Djobstyń kompanııasy Apple Watch «aqyldy» saǵattaryna arnalǵan qosymshalardy asa qupııa túrde jasap shyǵarmaq.
Kompanııa bul úshin AQSh-tyń Kýpertıno qalasynan arnaıy zerthanany jabdyqtap, ashqan. Bul kompıýterlik baǵdarlamalar arasynda BMW, Starwood Hotels & Resorts, Facebook, United Continental Holdings jáne t.b. kompanııalardyń da qosymshalary bolady. Sol sebepti qazir qupııa zerthanada osy fırmalardyń da ókilderi jumys isteýde.
Zerthanaǵa kirýshiler óz smartfondaryn jáne de ózge baılanys quraldaryn esik aldyndaǵy kúzetshige tapsyryp ketýleri tıis. Qupııa zerthanadan ǵalamtorǵa shyǵý da múmkin emes. Tipti qyzmetkerlerdiń ózimen birge qaǵaz alyp ótýine de ruqsat joq. Al «aqyldy» saǵattyń ózi taıaýda San-Frantsıskoda tutynýshylar nazaryna usynylmaq, dep habarlaıdy 24.kz.
