Apple Watch «aqyldy» saǵattaryn paıdalanǵan júrgizýshilerge aıyppul salynady
ASTANA. QazAqparat - Ulybrıtanııada taıaýda Apple Watch «aqyldy» saǵattaryn paıdalanǵan júrgizýshilerge aıyppul sala bastaıdy. Bundaı bastamany Kólikti kásibı júrgizýdiń brıtandyq ınstıtýty málimdedi, dep jazady sheteldik BAQ.
Sarapshylardyń paıymynsha, kólikti basqaryp kele jatqan adamnyń gadjetti paıdalanýy avtomobıldi júrgizý sapasyna tikeleı áser etedi. Instıtýt ókilderiniń sózine qaraǵanda, «aqyldy» saǵattyń uıaly telefonnan esh aıyrmashylyǵy joq. Al telefondy mashınamen júrgen kezde paıdalanǵany úshin Ulybrıtanııada aıyppul salady.
Eldiń kólik mınıstrligi sarapshylardyń usynystarymen kelisip otyr. Osy oraıda jaqyn arada kólikti basqarý barysynda jańa gadjetti paıdalaný faktisi úshin de aıyppul salynýy múmkin.
Esterińizge sala keteıik, jaqynda tanystyrylǵan Apple Watch ázirge jappaı satylymǵa shyqqan joq. Ony aldaǵy jyldyń basynda ǵana satyp alýǵa bolady. Qurylǵy telefonmen úılesip jumys isteıdi. Atap aıtqanda, bul saǵat áleýmettik jelilerden habarlamalar qabyldap, mýzyka men beıne túsirilimderdi ashyp, SMS jibere alady. Sonymen qatar «aqyldy» saǵat navıgator qyzmetin, ıesiniń bıometrıkalyq kórsetkishterin baqylaýǵa qaýqarly.
