Apple Watch «aqyldy qol saǵatynyń» baǵasy belgili boldy
ASTANA. QazAqparat - San-Frantsıskoda ótken tusaýkeser kezinde Apple kompanııasy shyǵarǵan «aqyldy qol saǵatynyń» baǵasy ataldy. Bul týraly epochtimes.ru-ǵa siltememen 24.kz habarlaıdy.
Apple Watch Sport-tyń negizgi nusqasy boıynsha jasalǵan 38 mıllımetrlik modeli 349 dollar, al sol nusqanyń 42 mıllımetrlik modeli 399 dollar turady. Al tot baspaıtyn Apple Watch AQSh aýmaǵynda 549 dollardan bastap, 1049 dollarǵa deıingi baǵamen satylady.
Al eń qymbat 18 karattyq qyzǵylt nemese sary altynmen aptalǵan Apple Watch Edition-di satyp alý úshin tutynýshy 10 000 AQSh dollaryn tóleýi tıis. «Aqyldy qol saǵattar» Kanada, AQSh, Japonııa, Avstralııa jáne birqatar Batys elderinde saýdaǵa 24 sáýirde shyǵarylady.
Bul saǵatty satyp alǵan adam ol arqyly onlaın-tólemder júıesin paıdalanyp, telefon qońyraýlaryn qabyldap, tipti ǵalamtorǵa qosylý arqyly garaj esigin de asha alady.
