Apple telefonda aqyly oıyndar oınaǵan balalardyń ata-analaryna 32,5 mln dollardy qaıtaratyn boldy
ASTANA. 16 qańtar. QazAqparat - Apple amerıkandyq kompanııasy óziniń tutynýshylaryna 32 myńnan astam dollar kólemindegi qarjyny qaıtaratyn boldy, dep habarlaıdy Ýtro.rý.
Sebebi ata-analarynyń kelisiminsiz jáne ruqsatynsyz balalar osyndaı somaǵa mobıldik qosymshalardy satyp alyp, paıdalanǵan. Bul iske qatysty ondaǵan myń aryz-shaǵym Apple ókilderimen kelisim jasasqan AQSh-tyń saýda-sattyq jónindegi Federaldyq komıssııasyna túsken. Balalarynyń ınternette oıyndar oınaǵany úshin birqatar ata-analarǵa myńdaǵan dollarǵa deıin tólem esepshottary kelgen. Amerıkandyq vedomstvolarmen jasaǵan ýaǵdalastyqtary negizinde, endi Apple kompanııasy óziniń tólemderdi qabyldaý júıesin de ózgertýge májbúr.
