Apple: tanymal ártisterdiń jeke fotolarynyń urlanýyna iCloud sebepker emes
ASTANA. QazAqparat - Álemge tanymal juldyzdardyń jeke fotolarynyń (jartylaı jalańash) ǵalamtorǵa jaıylyp ketýine maqsatty shabýyl sebep bolǵan, dep habarlaıdy Apple korporatsııasy.
Kompanııa paıdalanýshylaryna jeke sýretterdiń taralyp ketýine Apple iCloud - derekti kóppen bólisý júıesinen bolǵan aqaý sebep emestigin dáleldeý maqsatynda jeke zertteý júrgizgen.
Apple-dyń aqparatynsha, hakerlerdiń shabýyly naqty adamdardyń esimderine jáne qupııa kodtaryna baǵyttalǵan.
Daýly oqıǵaǵa baılanysty isti tergeý jumysyna FBR qyzmetkerleri de aralasqan.
Aıta keteıik, osydan biraz buryn tanymal bir top juldyzdyń jeke fotolary ǵalamtorǵa jaıylyp ketken bolatyn. Oǵan jaýapty adamdar áli izdestirilýde.
