Apple taǵy da álemdegi eń qymbat brendter tiziminde kósh bastady

ASTANA. KAZINFORM – Apple ekinshi jyl qatarynan álemdegi eń qymbat brend atandy. Brend quny bir jyl ishinde 11%-ǵa ósip, 574,5 mıllıard dollarǵa jetti. Bul týraly jyl saıynǵy Brand Finance Global 500 zertteýinde aıtylǵan, dep jazady Report.

Reıtıngtegi ekinshi oryndy taǵy da Microsoft ıelendi, onyń quny 35%-ǵa (461,1 mlrd dollarǵa deıin) ósti, úshinshi orynda Google (+24%, 413 mlrd dollarǵa deıin), tórtinshi orynda Amazon (+15%, 356,4 mlrd dollarǵa deıin) kompanııasy tur.

Walmart brendi altynshy orynnan besinshi orynǵa kóterildi – onyń quny 42%-ǵa ósip, 137,2 mıllıard dollarǵa deıin ósti.

Eń qymbat brendterdiń ondyǵyna sonymen qatar Samsung (110,6 mıllıard dollar), TikTok (105,8 mıllıard dollar), Facebook (91,5 mıllıard dollar), Nvidia (87,9 mıllıard dollar) jáne Qytaıdyń State Grid korporatsııasy (85,6 mıllıard dollar) kiredi. Bir jyl ishinde Nvidia brendiniń quny eki esege jýyq óskeni atap ótildi.

Deutsche Telekom jalpy reıtıngte 11-orynǵa ıe bolyp, Eýropadaǵy eń qundy brend dep tanyldy (+16%, $85,3 mlrd).

Instagram 12-orynda (79,9 mlrd dollar), qytaılyq ICBC jáne China Construction Bank $79,1 mlrd jáne $78,4 mlrd kórsetkishterimen 13 jáne 14 oryndardy ıelendi.

Japondyq brendter arasynda Toyota 18-orynǵa ıe boldy ($64,7 mlrd, +23%).

Úzdik 500-ge 193 amerıkandyq brend kiredi, bul jalpy qunnyń jartysynan kóbin quraıdy, delingen habarda.

Álemdegi eń qundy 500 brendtiń jalpy quny ótken jyly 10%-ǵa ósip, 9,5 trıllıon dollarǵa jýyqtady.

Aıta keteıik, Google, Apple, Netflix sekildi sheteldik iri kompanııalar Qazaqstanǵa 70 mlrd teńge salyq tóledi.