Apple smartfonnyń úsh jańa modelin shyǵarmaq
ASTANA. QazAqparat - Apple kompanııasy aǵymdaǵy jyldyń sońyna deıin smartfonnyń úsh jańa modelin shyǵarýdy josparlap otyr, dep habarlaıdy Bloomberg.
Kompanııa qazirgi deıin shyǵarylyp jatqan modelderge qaraǵanda ekrany úlken iPhone smarftonyn, iPhone X modeliniń jańarǵan nusqasyn jáne negizgi modeldiń arzandaý nusqasyn naryqqa shyǵarmaq.
Bloomberg-tiń habarlaýynsha, jańa smartfondarǵa iOS 12 júıesi engizilýi múmkin.
D33 degen at berilgen úlken smartfonnyń ekrany 6,5 dıýım bolady. iPhone X-tegi sııaqty onda da Face ID tehnologııasy paıdalanylady. iPhone X smartfonynyń qoljetimdi nusqasynda A12 protsessory qoldanylady.
Agenttiktiń málimetterine qaraǵanda «úlken» smartfonnyń eki SIM-kartaly nusqasyn shyǵarý da múmkindikteri de qarastyrylyp jatyr, biraq bul jaıly áli naqty sheshim qabyldanbaǵan. Buǵan Apple kompanııasynyń SIM-kartany almastyrmaı-aq basqa provaıderdiń qyzmetin paıdalana berý múmkindigin beretin E-SIM tehnologııasyn kútip otyrǵany sebep bolýy múmkin.
