Apple satylymy 16%-ǵa ósti

ASTANA.KAZINFORM — Apple kompanııasynyń toqsandyq taza túsimi 16%-ǵa ósti, dep habarlaıdy Anadoly. 

AQSh-tyń tehnologııalyq alyby Apple kompanııasynyń toqsandyq taza túsimi jyldyq mánde 16%-ǵa artyp, naryq boljamdarynan joǵary boldy.

Kompanııa derekterine sáıkes, esepti kezeńdegi jalpy taza túsim ótken jyldyń sáıkes kezeńimen salystyrǵanda 16%-ǵa ósip, 143,8 mlrd dollar boldy.

Ótken jyldyń osy kezeńinde Apple kompanııasynyń taza túsimi 124,3 mlrd dollar bolǵan. Al toqsandyq taza paıda 42,1 mlrd dollar boldy, bul bir jyl burynǵy 36,3 mlrd dollarmen salystyrǵanda aıtarlyqtaı joǵary.

Bir aktsııaǵa shaqqandaǵy paıda 2,4 dollardan 2,84 dollarǵa deıin ósti.

Túsim de, bir aktsııaǵa shaqqandaǵy paıda da naryqtyń boljamynan joǵary boldy.

Esepti kezeńde iPhone jáne iPad satylymy ósken, al Mac kompıýterleriniń satylymy tómendegen.

27 jeltoqsanda aıaqtalǵan toqsanda iPhone satylymynan túsken túsim jyldyq mánde 23%-ǵa ósip, 85,3 mlrd dollar boldy. Bul kórsetkish te naryq kútken deńgeıden joǵary boldy.
iPad satylymy 6%-ǵa ósip, 8,6 mlrd dollar boldy. Al Mac satylymy 7%-ǵa qysqaryp, 8,4 mlrd dollarǵa deıin tómendedi. 

Aıta ketelik Apple — álemdegi eń qymbat brend atanǵan edi.