Apple Samsung-tan $180 mln tóleýdi talap etti
ASTANA. QazAqparat - Apple patentke qatysty daý aıasynda Samsung-tan $180 mln tóleýdi talap etti. Bul týraly The Verge jazdy.
Basylym atap ótkendeı, Samsung óndirgen bes jabdyqtan tıgen zalaldy amerıkalyq kompanııa osy somaǵa baǵalady. Aıta keteıik, bul jabdyqtar eki kompanııa arasyndaǵy sot daýynyń Apple paıdasyna sheshilgen soń satylymǵa qoıyldy. 2012 jyly sot alǵash ret ońtústikkoreıalyq kompanııa Apple-diń patenttik quqyǵyn buzǵanyn moıyndaǵan. Jeltoqsan aıynda Samsung $548,2 mln tóledi.
Apple narazylyǵyn týdyrǵan jabdyqtar aıtylmady. Óıtkeni sottyń birqatar materıalyn kópshilikke taratýǵa bolmaıdy.
Kompanııalar AQSh-tan tys sottasýdy doǵarýǵa keliskenine qaramastan, Samsung 2012 jyly shyqqan úkimniń ádildigine kúmándanyp, istiń qaıta qaralýyna talpynyp jatyr.
