Apple óz platformasynda mobıldik oıyndardyń monopolııasy úshin aıyptaldy

KALIFORNIıA. QazAqparat – IOS platformasynda mobıldik oıyndar naryǵyn monopolııalaýda jáne óziniń monopolııalyq jaǵdaıyn saqtap qalý úshin básekelestik erejesin buzdy dep aıyptalǵan Apple kompanııasyna kezekti toptyq aryz túsirildi, dep habarlaıdy QazAqparat Appleinsider saıtyna silteme jasap.

Kalıfornııa shtaty boıynsha Soltústik okrýgtiń aımaqtyq sotyna joldanǵan shaǵymda Apple kompanııasynyń «básekelestikti buzyp, zańsyz áreket tanytyp otyrǵany» jazylǵan.

Shaǵym Nıý-Djersı turǵyny Djon Pıstachıo (John Pistacchio) atynan kelip túsken. Ol kompanııanyń Apple Arcade servısine ótý quny tym joǵary dep esepteıdi.

Talapker Apple-diń qosymshany ázirleýshilerden óz erejelerin ustanýdy talap etip, olardy basqa platformalarda ornalastyrýǵa tyıym salyp, sol arqyly monopolıst bolyp otyrǵanyn aıtady.

Birde bir ázirleýshi nemese ázirleýshiler tobynyń iOS platformasynyń paıdalanýshylaryna ózge de platformalardyń da Microsoft, Facebook dáne Google tárizdi tabys túsiretindeı yqpal ete almaıtyny habarlandy.

Talap túsirýshi tergeý ótkizýdi, materıaldyq shyǵynnyń ótelýin, talap túsirýshilerdiń quqyqtyq qorǵalýyn, sot shyǵyndarynyń ótelýi jáne kompanııaǵa qarsy sanktsııalardyń qoldanylýyn talap etip otyr.