Apple óz qyzmetkerlerin qysqartady
ASTANA. QazAqparat – Apple kompanııasy basqa da amerıkalyq tehnıka alyptary sekildi shtatyn qysqartady, dep habarlaıdy QazAqparat AppleInsider-ge silteme jasap.
Qyzmetkerlerdi qysqartý bólshek saýda ujymdyq bóliminiń shtatynda júrgiziledi. Bul kompanııanyń jumysyn belsendi etý maqsatynda josparlanǵan sharalardyń biri bolmaq. Sılıkon alqaby Facebook, Amazon, Google, Microsoft jáne basqa da iri kompanııalar qyzmetkerlerdi jappaı qysqartqan edi. Apple osyǵan deıin bul jaǵdaıdan aınalyp ótip keldi.
Bloomberg jazýynsha, Apple-dyń ujymdyq bólshek komandasy kezekti qaıta qurylymdaýdan ótedi. Kompanııa qysqartylatyn jumysshylardyń naqty sanyn aıtqan joq. Bul jańalyqty qupııa derekkózder taratty, al Apple-dyń ózi ázirge resmı málimdeme jasaǵan joq.
Derekkózderdiń aıtýynsha, Apple qyzmetinen bosatylǵan jumysshylardyń bárine qoldaý kórsetýge nıetti.
