Apple mobıldi qosymshalardyń rýbldegi baǵasyn ózgertti
ASTANA. QazAqparat - Amerıkalyq Apple korporatsııasy App Store-taǵy mobıldi qosymshalardyń rýbldegi baǵasyn qaıta qarady, dep jazady habar.kz.
16 jeltoqsan kúni reseılik Apple Store onlaı-saýda dúkeni baǵalardy ózgertý úshin ýaqytsha jabyldy. Kompanııa ókilderi atalǵan sharany «rýbl baǵamynyń qatty aýytqýymen» túsindirdi.
Qazir iPhone, iPad-qa jáne Apple-niń basqa da quraldaryna arnalǵan oıyndar men qosymshalardyń baǵasy 62 rýbl/dollar qatynasyna qaraı esepteletin boldy.
Budan erterek, Apple kompanııasy reseılik onlaın-saýda dúkenin 26 qarasha kúni japqan bolatyn. Nátıjesinde Apple saıtyndaǵy iPhone 6 jáne iPhone 6 Plus-tiń baǵasy 8-10 myń rýblge artqan edi.
