Apple, Microsoft jáne Coca-Cola kompanııalary 2013 jylǵy álemniń eń qymbat brendteri reıtıngisinde kósh bastady
ASTANA. 8 qarasha. QazAqparat - Apple kompanııasy 2013 jylǵy álemdegi eń qymbat brend bolyp tanyldy. Forbes jýrnalynyń reıtıngisinde Kalıfornııa shtatynyń aqparattyq-tehnologııalyq korporatsııasy kezekti ret kósh bastap otyr.
Sarapshylardyń málimetteri boıynsha, Apple brendiniń quny bıylǵy jyly 104,3 mlrd dollardy qurady, ol ótken jyldyń sáıkes baǵalaýynan 20%-ǵa joǵary jáne tizimde ekinshi satyda turǵan Microsoft kompanısynan eki ese artyq. Álemdegi baǵdarlamalyq qamtamasyz etý salasynyń úzdigi brendin mamandar 56,7 mlrd dollarǵa baǵalady.
Reıtıngide úshinshi oryndy Coca-Cola kompanııasy ıelendi, onyń saýda belgisiniń quny 54,9 mlrd. quraǵan.
IT-korporatsııalary IBM jáne Google úzdik bestik qataryna endi - olardyń quny - sáıkesinshe 50,7 jáne 47,3 mlrd. dollar .
Qyrkúıektiń sońynda "Nıý-Iork taıms" gazetiAQSh-tyń "Interbrend" konsaltıngtik agenttiginiń esebine silteme jasap eń qymbat taýar belgileriniń reıtıngisin jarııalady. Ol kezde mamandar Apple brendiniń qunyn 98,3 mlrd dollarǵa baǵalaǵan. Álemniń eń qymbat taýar belgileriniń ondyǵyna "Interbrend" nusqasy boıynsha, sondaı-aq, Microsoft, Intel jáne Samsung endi. Coca-Cola kompanııasy 14 jylda alǵash ret birinshi orynnan úshinshi orynǵa túsip qaldy.
