Apple-men janjaldan keıin Google «Map Maker»-ge tyıym saldy
ASTANA. QazAqparat - Google kompanııasy kartalardy redaktsııalaýǵa múmkindik beretin Map Maker qyzmetiniń jumysyn toqtatty. Buǵan qyzmetti júzege asyratyn robot - Android logotıpine baılanysty týyndaǵan janjal sebep boldy, dep jazady «VVS» agenttigi.
Kompanııa osyndaı jaǵdaılardy sheshýge shamasy keletin algorıtm ázirge oılap tabylmaǵanyn aıtty.
Buǵan deıin Google kartalarynda Pákistandaǵy Soan ózeniniń aýdanynda robottyń (Android logotıpi) tistelgen almaǵa (Apple kompanııasynyń logotıpi) ádepsiz qylyp jasap otyrǵany kórsetilgen. Sýret «Kalvın ı Hobbs» komıksterindegi Kalvınniń tanymal sýreti stılinde jasalǵan. Bul oqıǵa Apple Watch saǵaty shyqqan kúni bolǵan.
Sýretti kartalardan alyp tastady, Google ókilderi keshirim surady. Olardyń aıtýynsha, sýretti qosymshanyń shyǵarýshy emes, kópshilik qoldana alatyn Map Maker qosymshasynyń paıdalanýshysy jasaǵan.
