Apple men Samsung smartfondar men planshetter patenti úshin daýdy toqtatady
ASTANA. QazAqparat - Apple men Samsung kompanııalary álemniń birneshe elindegi smartfondar men planshetter boıynsha patenttik daýly máselelerin rettedi, alaıda AQSh-ta sottyń isti qaraýy jalǵasady, dep habarlady ITAR-TASS.
Kompanııalar birlesken aryzda AQSh-tan tysqary jerde bir-birine degen shaǵymdaryn boldyrmaý kelisimine qol jetkizgenin habarlady. Kelisimde qandaı da bir lıtsenzııalarmen almasý kórsetilmegen jáne olar osy sot isterin AQSh-ta jalǵastyrady. Kelisimge qatysty basqa málimetter belgisiz.
Basylym kompanııalardyń kóp jyldan beri patenttik daý júrgizip kele jatqanyn, oǵan mıllıondaǵan dollarlar jumsaıtynyn jáne odan Japonııa, Ońtústik Koreıa, Germanııa, Gollandııa, Avstralııa, Ulybrıtanııa, Frantsııa men Italııa sııaqty elderde qandaı da bir nátıjesi bar dep aıtý qıyn ekenin atap kórsetken. Osyǵan deıin sot Koreıa kompanııasynyń tarapynan Apple paıdasyna 1 mıllıard dollar tóleý týraly sheshim shyǵarǵan bolatyn. Eýrokomıssııa naryqta básekelester bolmaýy úshin Samsung, Google jáne basqa da smartfon paıdalanýshylaryn osy patentterdiń quqyǵyn teris paıdalanýǵa jol bermeý týraly eskertý jasady.
Patenttik daý AQSh-ta 2011 jyly bastalǵan, amerıkalyq kompanııa Samsung-ty iPhone dy kóshirdi dep aıyptaǵan bolatyn.
