Apple men Samsung kompanııalarynyń teketiresi sotqa jetti
ASTANA. 3 maýsym. QazAqparat - «Eki qoshqardyń basy bir qazanǵa syımaıdy» degen qazaqtyń maqaly Apple men Samsung kompanııalaryna qatysty aıtylǵan tárizdi. Apple kompanııasy Kalıfornııanyń aımaqtyq sotyna Samsung-tiń 22 óniminiń ústinen shaǵym túsirgen, dep habarlaıdy Baq.kz.
Arrle qujatyna nazar aýdarsaq, onda bylaı delingen: «Samsung kompanııasy jaqynda óziniń jańa Galaxy S4 smartfonyn tanystyrdy. Taýar 2013 jyldyń sáýirinde satylymǵa shyqty. Biz jasaǵan taldaý boıynsha, olar bizdiń patentti buzyp otyr. Sondyqtan da ol «qara tizimge» enýi kerek. 22 ónimniń barlyǵy da bizdiń tehnologııamen jasalynǵan».
«Qara tizimge» tanymal Galaxy S III, Galaxy Note II, Galaxy Note 10.1 jáne Galaxy Tab 2 10.1 gadjetteri de kiredi. Osyǵan jaýap retinde Samsung te Apple-ge qarsy shaǵym túsirdi. Olardyń pikirinshe, iPhone, iPad, iPod, Mac jáne Apple TV ónimderi tehnologııasynyń barlyǵy ońtústikkoreıalyq kompanııadan urlanǵan.
Osy daýǵa qatysty sot sheshimi kelesi jyly shyǵady. Eki aradaǵy daý-damaıǵa qaramastan, álemdegi eń bedeldi basylymdardyń biri Consumer Reports Samsung Galaxy S4 smartfonyn álemdegi eń úzdik qurylǵy dep jarııalap jiberdi. ıAǵnı, Consumer Reports óziniń jasaǵan qorytyndysynda smartfondy jan-jaqty toqtalǵan. Onyń ishinde 5-dıýımdy Full HD dıspleıin jáne qoldyń qımylymen basqarylatyn, tipti qolǵappen sensordy basýdy tanı alatyn múmkindikterin joǵary baǵalaǵan.
Aıta ketetin bir jaıt, Samsung smartfony buǵan deıin eshkimge des bermeı kelgen LG Optimus G qurylǵysyn basyp ozdy. Mamandar Samsung Galaxy S4 telefonyn álemdegiAndroid-smartfondary arasynan satylymy eń kóp qurylǵy bolady dep boljap otyr. Onyń ústine Samsung bir aıdyń ózinde jańa smartfonnyń 10 mıllıon danasy satylyp úlgergen.
Keıbir sarapshylardyń pikiri boıynsha Apple kompanııasy Samsung-ty sotqa berý arqyly, koreıalyq kompanııanyń ónimderine suranysty tómendetýdi maqsat etken. Biraq Apple kompanııasynyń bul aılasynan oıdaǵydaı nátıje shyqpaǵan tárizdi.
