Apple qyzmetkeri kompanııanyń shtab-páterinde ózine qol saldy
ASTANA. QazAqparat - AQSh polıtsııasy Apple-diń Kýpertıno qalasyndaǵy (Kalıfornııa shtaty) shtab-páterinde sársenbi qaıtys bolǵan kompanııa qyzmetkeri ózine qol salǵanyn málimdedi, dep habarlady TASS.
Santa-Klara okrýgindegi sherıf basqarmasynyń resmı ókili Andre Ýrenanyń aıtýynsha, ol kisi qolynan qaza tappaǵan, ózine qol salǵan.
Er adamnyń denesi tańerteń baspasóz konferentsııalary ótkiziletin zaldan tabyldy. Kýágerler onyń qasynda tapansha jatqanyn aıtqan. Buǵan deıin polıtsııa Apple-diń qaza tapqan qyzmetkeriniń esimi Edvard Makovıak ekenin, ol 25 jasta bolǵanyn habarlaǵan edi.
