Apple qyzmetkeri balasy iPhone X týraly məlimetterdi jarııalaǵany úshin jumystan ketti
ASTANA. QazAqparat - Apple kompanııasy qupııalylyq shartyn buzǵan óz qyzmetkerin jumystan shyǵardy. Bul týraly The Verge portaly habarlady.
Amerıkalyq atalmysh kompanııada jumys isteıtin ınjenerdiń qyzy ákesimen birge onyń jumysyna erip barǵan. Onda satylymǵa áli shyqpaǵan iPhone X smartfonyn vıdeoǵa túsirip, jelige taratqan. Osydan keıin Apple qyzmetkeri jańa qurylǵylardy satylymǵa shyqpaı turyp kórsetýge bolmaıtyndyǵyna qatysty kompanııa shartyn buzǵany úshin jumystan shyǵaryldy.
Injenerdiń qyzy Brýk Amelııa óz vıdeosynda jańa aıfonnyń keıbir fýnktsııalaryn kórsetken. «Sondaı-aq kadrdan Apple qyzmetkerine berilgen jasyryn QR-kodtardy kórýge bolady», dep jazady portal.
Brýk Amelııa vıdeony eshbir astarly pıǵylsyz túsirgenin jáne onyń saldary týraly bilmegenin aıtyp aqtaldy.
iPhone X satylymǵa 3 qarasha kúni shaǵyda dep kútilýde.
