Apple korporatsııasy Siri-di jańartý úshin Google Gemini jasandy ıntellektisin qoldanbaq
ASTANA. KAZINFORM — Bloomberg agenttiginiń habarlaýynsha, Apple korporatsııasy Siri daýys kómekshisiniń jańartylǵan nusqasynda Google Gemini jasandy ıntellektisin paıdalaný múmkindigin qarastyryp jatyr.
Kompanııa Google-men arnaıy kelissózder júrgizip jatyr, oǵan sáıkes, Gemini negizinde Siri-diń jeke II-modeli jasalýy múmkin.
Aqparat kózderiniń málimdeýinshe:
-
Apple Google-ge jeke jasandy ıntellekt modelin jasap shyǵýdy usynǵan;
-
Bul model Apple serverlerinde jumys isteýge beıimdelip oqytylyp jatyr.
Jańartylǵan Siri qashan shyǵýy múmkin?
-
Siri-diń jańa nusqasy bastapqyda 2025 jyldyń kókteminde shyǵýy tıis edi,
-
Alaıda ınjenerlik qıyndyqtarǵa baılanysty relız keıinge shegerildi.
-
Endi ony 2026 jyldyń kókteminen erte kútýge bolmaıdy.
Buǵan deıin Apple óz ónimderine Claude (Anthropic) jáne ChatGPT (OpenAI) sekildi modelderdi yqpaldastyrý úshin tıisti kompanııalarmen kelissózder júrgizgen bolatyn.
Aıta keteıik, Tesla Model Y L elektromobılderine JI-ge negizdelgen daýys kómekshileri paıda bolady.
Grok chat-botymen myńdaǵan jeke dıalogtar Google izdeý júıesinde jarııa bolǵany habarlanǵan edi.