Apple korporatsııasy iPhone smartfondaryn keminde aldaǵy 50 jyl boıy óndiredi
ASTANA.KAZINFORM — Apple korporatsııasy iPhone smartfondaryn keminde aldaǵy 50 jyl boıy shyǵarýdy jalǵastyrýdy josparlap otyr. Bul týraly 24kg jazdy.
Basylymǵa bergen suhbatynda Apple kompanııasynyń jahandyq marketıng jónindegi vıtse-prezıdenti Greg Djosvıak iPhone-nyń 50 jyldan keıingi bolashaǵy týraly oıyn aıtty. Onyń pikirinshe, jasandy ıntellekt pen ózge de jańa tehnologııalar damysa da, iPhone óz mańyzyn joǵaltpaıdy.
— iPhone eshqaıda ketpeıdi. Ol aldaǵy ýaqytta da mańyzdy ról atqara beredi, — dedi ol.
Top-menedjerdiń aıtýynsha, Apple smartfonynyń tolyqtaı joıylyp ketýin elestetý qıyn. Sonymen qatar ol básekeles kompanııalardyń mundaı ónimge ıe bolmaǵandyqtan, bolashaqqa qatysty sheshimderdi asyǵys qabyldap jatqanyn atap ótti.
Al Tım Kýk tehnologııalar ózgergenimen, negizgi qundylyqtar saqtalatynyn jetkizdi. Onyń sózinshe, Apple aldaǵy 50 jylda da, tipti 100 nemese 1000 jylda da óz baǵytyn joǵaltpaıdy.
Aıta keteıik, Apple kompanııasy 1976 jyldyń 1 sáýirinde qurylǵan. Bıyl kompanııanyń qurylǵanyna 50 jyl tolyp otyr.
Buǵan deıin Apple Ulybrıtanııada sanktsııalardy buzǵany úshin aıyppul arqalaǵanyn jazdyq.
