Apple korporatsııasynyń basshysy 2011 jyly saǵatyna 42 myń dollar tabys tapqan
ASTANA. 10 sáýir. QazAqparat - Apple korporatsııasynyń basshysy Tım Kýk 2011 jyldyń qorytyndysy boıynsha AQSh-tyń eń joǵary tabys tabatyn top-menedjeri atandy.
Bul týraly The New York Times gazeti jazdy. Ol óziniń jumysy úshin 376 mln. dollar somasynda syıaqy aldy.
Atap óteıik, Kýktyń aqshalaı ótemaqasy salystyrmaly túrde áldeqaıda tómen - nebári 900 myń dollardy qurady. Degenmen kompanııanyń «qundy» qaǵazdarynan kelgen bonýs oǵan kúnine mıllıon dollar nemese saǵatyna 42 myń dollar paıda tabýǵa múmkindik berdi.
Apple korporatsııasynan alǵan aktsııany Kýk eki shyǵarylymda iske asyra alady, 2016 jáne 2021 jyly. Qazirdiń ózinde onyń paketiniń quny 634 mln. dollarǵa deıin ósti.
Amerıkalyq korporatsııanyń basshysy 2011 jyly ortasha alǵanda 14,4 mln. dollar tabys tapty.
