Apple korporatsııasy Samsung kompanııasynan 2 mlrd. dollar talap etti
ASTANA. QazAqparat - Apple korporatsııasy óziniń naryqtaǵy turaqty básekelesi ońtústikkoreıalyq Samsung kompanııasyna sot otyrysy zalynda kezekti talap-aryzdy berdi.
Osy joly amerıkandyq holdıng azııalyq óndirýshini óziniń qurylǵylaryn júıeli túrde kóshirip otyrǵandyǵy týraly aıyptaýda jáne 2 mlrd. dollar kóleminde ótemaqy talap etip otyr.
Amerıkandyq ınternet-kompanııanyń baǵdarlamalyq jasaqtamasy paıdalanylǵanyn alǵa tartyp, osy oraıda Apple tarapy Samsung kompanııasynan árbir qurylǵy úshin 40 dollardan alýǵa nıetti.
Talap etilip otyrǵan bul qarjy eki alpaýyt kompanııanyń osynyń aldyndaǵy daýly tartysy kezindegi somadan 5 esege artyq.
Eger de Apple sotta óziniń dáıegin dáleldeı alsa, onda ońtústikkoreıalyq óndirýshi 2 mlrd. dollardy tóleýge májbúr bolmaq. Sonymen birge osy turǵyda amerıkandyq korporatsııanyń shyǵystary 6 mln. dollardy quramaq, dep jazady Ýtro. Rý.
