Apple kompanııasyn qondyrǵy jady kólemi týraly málimetterdi jasyrýǵa aıyptady
ASTANA. QazAqparat - Apple ónimin birneshe paıdalanýshy kompanııany iOS 8 operatsııalyq júıesi iPad pen iPhone-de múldem kóp oryn alǵany úshin sotqa berdi, dep habarlady RIA Novostı.
Talapkerlerdiń aıtýynsha, qondyrǵylar úshin júıelik jańartýlar jadynyń kóp bóligin alyp qoıady, al paıdalanýshylarda ózderiniń jeke málimetterin saqtaýǵa oryn jetpeı qalady.
Sotqa bergen Kalıfornııa turǵyndary Apple gadjetterindegi sońǵy jańartýlar jadynyń 23 paıyzǵa deıin oryn alatynyn, sonyń saldarynan paıdalanýshylar óz málimetterin saqtaý úshin Icloud aqyly servısine júginetinin aıtady.
Amerıkandyqtar kompanııadan ICloud-ty paıdalanýǵa májbúr bolǵandardyń bárine tóleý úshin birneshe mıllıon dollar kóleminde ótemaqy talap etýde.
CBS agenttiginiń habarlaýynsha, Apple ázirshe bul jaǵdaıǵa túsinikteme bergen joq.
