Apple kompanııasy «aqyldy saǵattarynyń» naryqqa shyǵatyn naqty ýaqytyn belgiledi
ASTANA. QazAqparat - Satylym 24 sáýir kúni álemniń segiz elinde bastalady. Apple kompanııasynyń «aqyldy saǵattaryna» tapsyrystar 10 sáýir kúni soltústikamerıkalyq ýaqyt boıynsha saǵat 12:01-de alyna bastaıdy. Bul týrady kompanııanyń resmı habarlamasyna silteme jasaǵan TASS habarlady.
Sol kúni «aqyldy saǵattar» Apple dúkenderiniń sórelerine shyǵarylyp, satýshylar olarmen tanysý múmkindigin alady. Birinshi satylym eki apta ótken soń - 24 sáýirde bastalmaq. Bul kúni olar segiz el: AQSh, Ulybrıtanııa, Avstralııa, kanada, Qytaı, Frantsııa, Germanııa jáne Japonııanyń saýda jelisine jetkiziledi.
«Aqyldy saǵat» nemese Apple Watch-ty kompanııanyń basshysy Tım Kýk 9 naýryzda San-Frantsıskoda tanystyrǵan. Qazirgi kezde mamandar tanymal kompanııanyń bul jańa óniminiń qanshalyqty tabysty bolatynyn boljap otyr.
Saǵattyń alıýmınıı korpýsy bar bazalyq modeliniń baǵasy - 349 dollar. Tot baspaıtyn bolattan jasalǵan saǵat 549 dollar turatyn bolady. Satyp alýshylarǵa sondaı-aq 18-karattyq altynnan jasalǵan korpýsy bar saǵat usynylady. Onyń baǵasy 10 myń dollardan 17 myń dollarǵa deıin bolmaq.
Apple Watch kompanııanyń barlyq smartfondarynda bar baǵdarlamalyq habarlandyrýlarǵa ıe. Saǵat arqyly áleýmettik jelige shyǵýǵa, jańalyqtardy oqýǵa, sporttyq kórsetilimderdiń qorytyndylaryn baqylaýǵa, sondaı-aq aýa raıyn bilýge bolady. Sondaı-aq saǵattyń kómegimen telefon qońyraýlaryn qabyldap, SMS-habarlamalardy oqýǵa bolady. Budan basqa, qural paıdalanýshysynyń fızıkalyq belsendiligin qadaǵalap, jeke jattyqtyrýshynyń rólin de atqara alady. Saǵat 18 saǵatqa deıin qýat kózinsiz jumys isteı alady.
