Apple kompanııasy Telegram men WhatsApp qosymshasyn Qytaıdyń App Store dúkeninen alyp tastady
ASTANA. KAZINFORM – Qytaılyq Apple ónimderin paıdalanýshylar endi birqatar qosymshany paıdalana almaıdy.
The Wall Street saıtynyń habarlaýynsha, 19 sáýirden bastap Qytaıdyń App Store dúkeninde Telegram, WhatsApp, Threads jáne Signal qosymshalary joq.
Apple kompanııasynyń málimdeýinshe, bul qosymshalar Qytaı úkimetiniń talaby boıynsha alynyp tastaldy.
«Biz kelispesek te, bıznes júrgizetin elderdiń zańdaryn saqtaýǵa mindettimiz», - dep atap ótti Apple kompanııasy.
Qytaı tarapy bul ulttyq qaýipsizdikti qamtamasyz etý maqsatynda jasalyp otyrǵan shara dep túsindirdi.
Aıta keteıik, Qytaıda Facebook jáne Instagram sııaqty álemge tanymal áleýmettik jeliler ashylmaıdy. Áıtse de, qytaılyq paıdalanýshylar VPN arqyly qosymshany paıdalana alady.
Alaıda, Qytaı zańy boıynsha VPN paıdalaný zańsyz sanalady.
