Apple kompanııasy OpenAI-dy kommertsııalyq qupııalardy urlady dep aıyptady
ASTANA. KAZINFORM — Amerıkalyq Apple korporatsııasy ChatGPT chat-botyn ázirlegen OpenAI kompanııasyn sotqa berdi. Bul týraly Kalıfornııa shtatynyń Soltústik okrýgi sotynyń elektrondyq derekqoryndaǵy málimetterde aıtylǵan, dep habarlaıdy TASS
Ondaǵy aqparatqa sáıkes, talap-aryz 10 shildede berilgen. Apple OpenAI kompanııasyn kommertsııalyq qupııany zańsyz paıdalandy dep aıyptap otyr.
CNBC telearnasynyń habarlaýynsha, Apple ózine tıesili zııatkerlik menshik pen qupııa aqparat OpenAI baǵdarlamalyq jasaqtamasyn ázirleý kezinde paıdalanylǵan dep esepteıdi.
Talap-aryzda OpenAI jasandy ıntellekt salasyndaǵy startapyna jumysqa ornalasqysy kelgen Apple qyzmetkerlerine korporatsııanyń kommertsııalyq qupııalaryn jetkizý usynylǵany da kórsetilgen.
Buǵan deıin Apple chıp óndirisine 30 mıllıard dollar ınvestıtsııa salatyny týraly habarlandy.
Sonymen qatar Apple óz ónimderiniń baǵasy óskenin eskertti.
