Apple qaıtadan álemniń eń qymbat brendine aınaldy
ASTANA. QazAqparat - Apple brendiniń quny iPhone smartfonynyń satylýy tómendegenine qaramastan 5%-ǵa artty. Reıtıng jasaǵan Interbrand kompanııa logotıpin 178 mlrd dollarǵa baǵalady, ony ókshelep kele jatqan Google quny 11%-ǵa artyp 133,25 mlrd dollar boldy. Apple brendiniń qymbattaýy 2003 jyldan bastaldy. Sol kezde onyń quny $5,2 mlrd bolatyn.
Joǵary tehnologııalar salasy reıtınginde 4-orynda Microsoft kompanııasy. Onyń brendi $72,79 mlrd turady. IBM 19%-ǵa arzandap, 6-orynda tur. Onyń quny $52,5 mlrd-qa baǵalanýda. Samsung pen Amazon qymbattady. Olardyń brendteri $51,8 mlrd pen $50,33 mlrd boldy, dep habarlaıdy onliner.by.
Tizimniń bas jaǵyndaǵy tez kóterilip kede jatqan brendter Facebook pen Amazon, olardyń quny 48% jáne 33%-ǵa ósti.
