Apple qaýipti hımııalyq zattardy paıdalanǵan
ASTANA. QazAqparat - Amerıkalyq Apple kompanııasy óz ónimderin jınaýda eki qaýipti hımııalyq zatty paıdalanýdan bas tartqanyn málimdedi, dep jazady RIA Novostı. Másele benzol men n-geksan zattary týraly bolyp otyr.
Osy jyldyń naýryzynda China Labor Watch pen Green America quqyq qorǵaýshy uıymdarynyń belsendileri petıtsııa túrinde qol jınady. Onda amerıkalyq kompanııa basshylyǵyn óz fabrıkalarynda ónimderin jınaýda qaýipti hımııalyq zattardy paıdalanýdy toqtatýǵa shaqyrdy. Quqyq qorǵaýshylar benzoldyń leıkemııany qozdyratynyn, al n-geksannyń júıke jasýshalaryna zaqym keltiretinin málimdedi.
Quqyq qorǵaýshylardyń jasaǵan úndeýine jaýap retinde Apple basshylyǵy sońǵy bes aı boıy ózderiniń 22 fabrıkasynda tekseris júrgizdi. 500 myńǵa jýyq qyzmetkeri bar fabrıkada hımııalyq zattardyń jumyskerlerdiń densaýlyǵyna áser etpeıtini anyqtaldy.
Alaıda búgin Apple budan bylaı benzol men geksannyń kompanııa ónimderin jınaýda paıdalanylmaıtynyn málimdedi.
