Apple: iPhone 6 Plus smartfonynyń kamerasyn aýystyryp beremiz
ASTANA. QazAqparat - Kompanııanyń resmı ókilderi iPhone 6 Plus smartfondarynyń aqaýly fotokamerasyn aýystyryp berý naýqany bastalǵanyn jarııalady, - dep jazady 24.kz.
Esterińizge sala ketsek, osyǵan deıin aıfon ıeleri iPhone 6 Plus kameralarynyń aqaýy týraly aıtyp, kóp shaǵymdanǵan bolatyn. Sebebi túsirilgen sýretterdiń sapasy nashar bolyp shyqqan. Buǵan jaýap retinde Apple 2014 jyldyń qyrkúıegi men osy jylǵy qańtar arasynda shyǵarylǵan qurylǵylardan ǵana aqaýdyń bar-joqtyǵyn anyqtaı alatynyn málimdedi. Bul úshin smartfon ıesi qurylǵynyń serııalyq nómirin saıtta tirkeýi tıis. Nómir óńdeý barysynan ótken soń kompanııa qyzmetkeri aıfonnyń ıesimen habarlasyp, fotokamerany aýystyrý barysynyń jaı-japsaryn aıtyp beredi, dep jazady planet-today.ru.
