Apple iPhone 18 Pro smartfondaryn tanystyrdy
ASTANA. KAZINFORM - Apple kompanııasy jańa iPhone 18 Pro jáne iPhone 18 Pro Max smartfondaryn tanystyrdy, dep habarlaıdy kompanııanyń baspasóz qyzmeti.
Smartfondarǵa 48 megapıkseldi jańa Fusion negizgi kamerasy ornatylǵan. Kameranyń dıafragmasyn ózgertýge bolady. Apple kompanııasynyń málimetinshe, mundaı tehnologııa iPhone smartfondarynda alǵash ret qoldanylyp otyr jáne túsirilim parametrlerin qolmen retteýge múmkindik beredi.
Eki model de jańa A20 Pro chıpimen jumys isteıdi jáne jańartylǵan salqyndatý júıesimen jabdyqtalǵan. Budan bólek, kompanııa Dynamic Island ólshemin kishireıtip, qurylǵylardyń avtonomdy jumys isteý ýaqytyn uzartqan.
iPhone 18 Pro jáne iPhone 18 Pro Max tórt túste – qara, kúmis, muzdyq jáne jańa bordo tústerinde qoljetimdi bolady. Aldyn ala tapsyrys 12 qyrkúıekte ashylady, al smartfondardyń satylymy 18 qyrkúıekte bastalady.
Buǵan deıin Djon Ternýs Apple kompanııasynyń bas atqarýshy dırektory bolǵany habarlanǵan edi.
