Apple, Google, Telegram akkaýnttaryna qaýip: 16 mlrd jeke derek buzyldy

ANKARA. KAZINFORM — Kıberqaýipsizdikke arnalǵan aqparattyq saıttyń habarlaýynsha, Apple, Facebook, Google, Telegram jáne keıbir memlekettik qyzmetterdegi akkaýnttarǵa kirýge múmkindik beretin álem boıynsha shamamen 16 mıllıard paıdalanýshy deregi buzylyp, bul tarıhtaǵy eń iri «derek aǵýy» oqıǵasyna aınaldy, dep jazdy Anadoly.

«Kıberhabar» atty kıberqaýipsizdik salasyna mamandanǵan saıttyń málimetinshe, jyl basynan beri júrgizilgen zertteýler nátıjesinde árqaısysynda ondaǵan mıllıonnan bastap 3,5 mıllıardqa deıin aqparat bar 30 iri derekqor arnaıy aqparat urlaıtyn baǵdarlamalyq qamtamasyz etý (Infostealer) arqyly buzylǵany anyqtaldy.

Zertteý barysynda bul 30 derekqorda jalpy 16 mıllıardtan astam derek bolǵany belgili boldy. Bul — tarıhtaǵy eń aýqymdy deretiń taralý nemese urlaný faktisi.

Bul derekter «qarý retinde qoldanýǵa bolatyn úlken kólemdegi barlaý aqparaty» retinde sıpattalyp, Apple, Facebook, Google, GitHub, Telegram jáne birqatar memlekettik onlaın-servısterge kirý úshin qoldanylýy múmkin.

Aıta keteıik, mamyr aıynda álem boıynsha paıdalanýshylarǵa tıesili 184 mıllıon derek áshkerelengen bolatyn. Olar da osy 30 derekqordyń ishinen tabylǵan.

Eske sala keteıik, jaqynda Áleýmettik jelilerde Qazaqstan azamattarynyń jeke derekteri tarady degen aqparat shyqqan edi. Osy máselege qatysty Tsıfrlyq damý, ınnovatsııalar jáne aeroǵarysh ónerkásibi mınıstrligi (TsDIAÓM) resmı málimdeme jasap, jeke derekterdiń taralýyna qatysty tekserý júrgizilip jatqanyn aıtqan bolatyn.