Apple chıp óndirisine 30 mıllıard dollar ınvestıtsııalaıdy
ASTANA. KAZINFORM — Apple kompanııasy Broadcom-pen jasalǵan chıp jetkizý týraly kelisim aıasynda 30 mıllıard dollardan astam qarjy jumsaýdy josparlap otyr. Bul týraly Kazinform agenttiginiń Vashıngtondaǵy menshikti tilshisi habarlady.
Kompanııanyń málimetinshe, kelisim aıasynda Apple qurylǵylarynyń symsyz baılanysyn qamtamasyz etetin FBAR filters dep atalatyn radıojıilikti chıpter jetkiziledi. Apple bul chıpterdi Broadcom kompanııasymen birlesip 2023 jyldan beri ázirlep kele jatqanyn atap ótti.
Broadcom iPhone óndirýshisimen 2031 jylǵa deıin chıp jetkizýge arnalǵan uzaqmerzimdi kelisim jasalǵanyn habarlady. Sonymen qatar kompanııa Kolorado shtatyndaǵy Fort-Kollıns qalasyndaǵy zaýytyn keńeıtýge 1,5 mıllıard dollar ınvestıtsııa salmaq.
Kelisim aıasynda keminde 15 mıllıard chıp óndiriledi. Bul bastama AQSh prezıdenti ákimshiligimen birlesip júzege asyrylyp jatqan, elde óndiriletin chıpterdiń úlesin arttyrýǵa baǵyttalǵan saıasattyń bir bóligi.
Eske salaıyq, buǵan deıin Apple kompanııasy bas dırektory qyzmetinen ketetin Tım Kýk jad chıpteriniń qunynyń kúrt ósýine baılanysty ónimder baǵasyn kóterý josparyn jarııalady.
