Apple álemdegi eń juqa iPad planshetin jasap shyǵardy
ASTANA. QazAqparat - Apple korporatsııasy jańa eki iPad planshetteri: Air 2 men iPad Mini 3-tiń tanystyrylymyn ótkizdi, dep jazady Bı-bı-sı.
Ekeýi de iOS 8.1 operatsııalyq júıesimen jumys isteıdi.
iPad Air 2 aldyńǵy modeline qaraǵanda 18% juqaryp, onyń qalyńdyǵy nebary 6,1 mm bolyp shyqqan. Kompanııa ókilderiniń aıtýynsha, bul qazirgi tańda álemdegi eń juqa planshet sanalady.
Qos model de AQSh pen Eýropa elderinde bir aptanyń ishinde taralyp bolady. Al Reseıde satylym tek qazan aıynyń sońynda bastalady.
