Apple 84 eldegi paıdalanýshylarǵa kıberqaýip týraly habarlamalar jiberdi

ASTANA. KAZINFORM — Apple kompanııasy 84 eldegi paıdalanýshylarǵa jańa kıberqaýip týraly eskertýler joldady, dep habarlaıdy AZERTADJ. Bul týraly kompanııa juma kúni málimdedi.

Reuters jazǵandaı, Apple — belgili bir paıdalanýshy hakerlerdiń nysanasyna alynýy múmkin ekenin anyqtaǵan kezde únemi habarlandyrý jiberetin tehnologııalyq kompanııalardyń biri.

Apple-diń málimdemesinde 2 jeltoqsanda jiberilgen eskertýler jaıly az ǵana aqparat berilgen. Onda boljamdy tyńshylyqtyń sıpaty, qansha qoldanýshy zardap shekkeni jáne ony kim júzege asyrǵany týraly naqty málimetter kórsetilmegen.

Kompanııanyń buǵan deıingi eskertýleri álemdik BAQ-ta keńinen talqylanyp, tipti Eýropalyq Odaqta tergeýlerdiń bastalýyna sebep bolǵan. Buǵan deıin joǵary laýazymdy tulǵalar shpıondyq baǵdarlamalar arqyly jasalǵan shabýyldarǵa ushyraǵan edi.

— Búgingi kúnge deıin biz 150-den asa eldegi paıdalanýshylarǵa habarlama jiberdik, — delingen Apple málimdemesinde.

Osyǵan deıin Apple Úndistannan Reseıge iPhone satylsa, aıyppul salatynyn eskertken edi.

Sonymen qatar Apple bas dırektory Tım Kýk kompanııanyń Qytaıdaǵy bıznesti damytýǵa ınvestıtsııa kólemin ulǵaıtýǵa jáne ózara tıimdi damýǵa qol jetkizý úshin Qytaımen yntymaqtastyqty nyǵaıtýǵa nıetti ekenin málimdedi.

Budan bólek Valve Corporation, Apple, Temu syndy sheteldik ınternet-platformalar Qazaqstan bıýdjetine 118,4 mlrd teńge tólegenin jazǵanbyz.