Apollonnyń músinin tapqan balyqshynyń basy bálege qaldy
ASTANA. QazAqparat - Apollonnyń músinin tapqan balyqshynyń basy bálege qaldy. 2013 jyldyń tamyz aıynda palestınalyq balyqshy Djýda Grab Mysyr shekarasymen jaqyn mańdaǵy taıaz sý túbinen Apollonnyń 500 kelilik qola músinin tapqan bolatyn.
Balyqshy palestınalyq músinniń qundylyǵyn bilý úshin onyń saýsaǵyn kesip alǵan. Jaqynda ol tapqan oljasyn Ebay-ǵa satylymǵa qoıyp, tarıhı jádiger úshin 500 myń dollar suraǵan. Alaıda, onyń oljaly bolsam degen oıynan túk shyqpady. Sebebi, músin jaıly Gaza sektoryn basqaratyn HAMAS qozǵalysynyń basshylyǵy bilgen. Jergilikti polıtsııa Apollondy kámpeskelep, Djýda Grabqa tarıhı qundylyqty satqysy kelgeni úshin qylmystyq is qozǵady.
Músinniń qazir qaıda ekeni belgisiz. Mamandar ony tek sýretterine qarap, jádigerge kem degende 2000 jyl bolǵanyn aıtyp otyr. Sondaı-aq olar músinniń qoladan jasalǵanyna qaraǵanda, ol ǵıbadathana nemese saraıdyń bir bóligi bolýy múmkin degen pikirde, dep jazady segodnya.ua.
