APOEL oıynshylary Esil jaǵasyn aralady
ASTANA. QazAqparat - Búgin «Astana-Arena» stadıonynda Chempıondar lıgasynyń pleı-off kezeńinde «Astana» komandasymen kezdesetin kıprlik «APOEL» oıynshylary Esil ózeniniń jaǵasynda serýendedi.
«Tańǵy as. Serýen» dep jazylǵan «APOEL» fýtbol klýbynyń Feısbýk áleýmettik jelisindegi resmı paraqshasynda #apoelfclive #astanaapoel #ucl hesh-tegimen salynǵan bul sýretti áleýmettik jelini paıdalanýshy 1000-ǵa jýyq adam «unatyp», sýret astyna «APOEL» jankúıerleri óz tilekterin jazǵan.
Esterińizge sala keteıik, búgin saǵat 22.00-de «Astana-Arena» stadıonynda Chempıondar lıgasynyń pleı-off kezeńinde elordamyzdyń «Astana» fýtbol klýby óz alańynda kıprlik «APOEL» komandasymen oınaıdy. Al, qarymta match 26 tamyz kúni Nıkosııada bolady (Astana ýaqytymen túngi saǵat 00.45-te).
