APOEL bapkeri: «Astana-Arenanyń» jasandy alańynyń kesirinen komandamyz jeńiliske ushyrady
ASTANA. QazAqparat - Búgin «Astana-Arenada» Chempıondar lıgasynyń pleı-off kezeńiniń alǵashqy matchynda «Astana» fýtbol klýbynan 1:0 esebimen jeńilgen APOEL komandasynyń bas bapkeri Domıngýsh Pasensııa oıynnan keıin jýrnalısterge baspasóz máslıhatyn ótkize otyryp, sátsiz oıynǵa jasandy alańdy kinálady.
"Oıyndy oraıly bastamaǵanymyzdy bilemin, biraq, biz daıyndyqsyz keldi degenmen kelise almaımyn. "Astana" oıyndy shabýylmen bastady, sondaı-aq, oıynnyń basyndaǵy gol oıynshylarǵa áser etti. Qarsylasymyzdyń qaqpasyna birneshe ret gol salýǵa múmkindik bolǵanymen, dop qaqpaǵa darymady.
Bul jeńis "Astana" komandasy Chempıondar Lıgasynyń toptyq kezeńine ótedi degendi bildirmeıdi. Eki komandanyń toptyq kezeńnen úmiti birdeı deńgeıde qaldy", - deı kele, D.Pasensııa APOEL 26 tamyz kúni óz alańynda baryn salatynyn atap ótti.
D.Pasensııanyń pikirinshe, APOEL oıynshylarynyń jeńilisine "Astana-Arena" stadıonynyń jasandy alańy kesirin tıgizgen.
