APOEL «Astanadan» Kanıasty tartyp almaq
ASTANA. QazAqparat - Kıprlik APOEL "Astana" klýbynyń kolýmbııalyq jartylaı qorǵaýshysy Roxer Kanıaspen kelissózder júrgizýde.
Bul týraly APOEL klýby málim etti, dep xabarlaıdy QazAqparat.
"Saǵat 14:00-de Kıprge bizdiń klýbqa aýysý týraly kelissózder ótkizý úshin jartylaı qorǵaýshy Roxer Kanıas kelip jetti", - dep jazyldy APOEL-diń Tvıtterdegi resmı akkaýntynda .
26 jastaǵy Kanıas "Astana" sapynda 2014 jyldan beri oınaıdy. Ol klýb quramynda Qazaqstan premer-lıgasynyń úsh dúrkin chempıony atandy. Sonymen qatar Chempıondar lıgasy men Eýropa lıgasynyń toptyq kezeńderinde óner kórsetti. "Astanaǵa" deıin qaraǵandylyq "Shaxter" klýbynda dop tepti. Onyń sapynda Kanıas 2012 jyly QPL chempıony atandy.
Aıta ketý kerek, Kanıas qazaqstandyq klýb quramynda Eýrokýboktarda eń kóp match ótkizgen fýtbolshy.
