APL: Londonnyń «Arsenaly» óz tarıhynda alǵash ret 18 matchta kóp upaı jınady
ASTANA. QazAqparat – Londonnyń «Arsenal» klýby aǵylshyn premer-lıgasynda (APL) óz tarıhynda alǵash ret 18 matchta eń kóp upaı jınady, dep habarlaıdy QazAqparat tilshisi.
Shampionat.com saıtynan alynǵan málimetke qaraǵanda, bul týraly Opta Sport statıstıkalyq portaly málim etti.
«Arsenal» 20-týrda londondyq derbıde syrt alańda basty qarsylastarynyń biri – «Tottenhemdi» 2:0 esebimen tize búktirdi. Birinshi taımda-aq 14-mınýtta qaqpashy Ýgo Lorıs óz qaqpasyna gol engizip alsa, 36-mınýtta Martın Edegor esepti eseleı tústi.
Osy týrdan keıin Mıkel Artetanyń shákirtteri 47 upaı jınady. Sóıtip ekinshi oryndaǵy «Manchester Sıtıden» 8 upaıǵa uzap ketti.
Bıyl chempıon atanýdy maqsat etken «Arsenal» kelesi týrda 22 qańtarda taǵy bir basty qarsylasy – «Manchester ıÝnaıted» klýbyn qabyldaıdy. «Manchestar ıÝnaıted» 38 upaımen úzdik tórttikti túıindep tur.
Eske sala keteıik, budan buryn «Barselonanyń» Ispanııanyń sýperkýbogin jeńip alǵanyn jazǵan bolatynbyz.
Foto: CATHERINE IVILL/GETTY IMAGES
