APL: Eleýsiz «Lester Sıtı» komandasy «Arsenal», «Manchester ıÝnaıted», «Lıverpýl» syndy komandalardan kósh ilgeri tur
ASTANA. QazAqparat - Osy kúnderi sport jankúıerleri fýtboldyń otany bolyp tabylatyn Anglııaǵa eriksiz nazar aýdarýda. Óıtkeni Aǵylshyn premer-lıgasynda (APL) buǵan deıin eshkim kóp kóńil bólmeı kelgen «Lester Sıtı» komandasy el chempıony bolý jolynda jarqyn jeńisterge jetip keledi.
Bul eldiń kósh basynda júretin, álemge áıgili «Arsenal», «Manchester ıÝnaıted», «Lıverpýl», «Manchester Sıtı», «Chelsı» sııaqty azýly komandalary osy maýsymda sátsiz óner kórsetýde. Aıtalyq, 33 oıynnan keıingi málimetke nazar salsaq, «Arsenal» jeti ret, «Manchester Sıtı» men «Manchester ıÝnaıted» jáne «Lıverpýl» komandalary toǵyz ret jeńilis tapqan. Al chempıonat basynda jeńilisten kóz ashpaı, eń tómengi satyǵa deıin túsip ketken «Chelsı» endi es jınap, 44 upaımen 10-shy orynda keledi, ol 11 ret teń oınap, qarsylastaryna 10 ret utylǵan.
Bıyl «Tottenhem» komandasy úzdikter qatarynda. Ol 33 oıynnan keıin 65 upaımen ekinshi orynda tur. Qarsylastaryna 4 ret ese jibergen jáne 11 ret teń oınaǵan.
Al kósh basyndaǵy «Lester Sıtı» komandasy 33 oıynda 72 upaımen jeke dara tur. Ol oıyn barysynda 9 ret teń túsken, bar bolǵany úsh-aq ret jeńilistiń aşy dámin tatypty.
Aǵylshyn premer-lıgasynyń aıaqtalýyna deıin bes-aq oıyn qaldy. «Lester Sıtı» úsh oıynda jeńiske jetse bolǵany, el chempıony atanady.
10 sáýir kúni «Qazsport» telearnasy «Sanderlend» pen «Lester Sıtı», sondaı-aq «Tottenhem» men «Manchester ıÝnaıted» komandalary arasyndaǵy tartysty básekeni tikeleı efırde kórsetti. «Lester Sıtı» qonaqqa baryp, 2-0 esebimen jeńiske jetse, «Tottenhem» óz alańynda 3-0 esebimen jeńiske jetip, jankúıerlerine qýanysh syılady.
«Lester Sıtı» bıyl júldeli oryn alýmen qatar tuńǵysh ret Chempıondar lıgasynda oınaý múmkindigine ıe bolýda.
Tarıhqa súıensek, atalǵan komanda «Lester Fossı» degen ataýmen Lester qalasynyń fýtbol klýby retinde 1884 jyly qurylǵan, ol on jyldan keıin qarjy daǵdarysyna ushyraıdy, al 1919 jyly osy klýbtyń negizinde «Lester Sıtı» komandasy qurylady.
Ótken jyldary jeńilisten kóz ashpaı, chempıonat kestesiniń sońǵy oryndarynda kele jatqan «Lester Sıtı» áýperimdep júrip Aǵylshyn premer-lıgasynda qalady. 2015 jyly 64 jastaǵy ıtalııalyq bilikti maman Klaýdıo Ranerı bas bapker bolyp taǵaıyndalady. Sol kezde 2015-2016 jylǵy maýsymda 40 upaı jınap, premer-lıgada qalsaq boldy degen maqsat qoıǵandaryn da jasyrmaıdy. Al endi búgingi tańda olar kózdegeninen eki esedeı artyq upaı jınap, fýtbol súıer qaýymdy tańǵaldyryp otyr. «Lester Sıtıdi» shabýyldaýshy Djeımı Vardı jáne jartylaı qorǵaýshylar Rııad Mahrez ben N'Golo Kante alǵa súırep keledi. Jas fýtbolshylardan qurylǵan komanda aldaǵy ýaqytta da jańa jeńisterimen talaıdy tamsandyrýy múmkin.
