APL-daǵy eń jyldam oıynshylar: Hýsanov Holandtan jaqsy nátıje kórsetti
ASTANA. KAZINFORM — Ózbekstan ulttyq quramasy men «Manchester Sıtı» klýbynyń qorǵaýshysy Abdýqadır Hýsanov Aǵylshyn Premer-Lıgasyndaǵy eń jyldam oıynshylardyń birine aınaldy, dep habarlaıdy Give me Sport.
Reıtıngke sáıkes, Hýsanov 2024/25 maýsymynda 36,27 km/saǵ jyldamdyqpen eń joǵary jyldamdyqtaǵy oıynshylar tiziminde 8-shi orynǵa ıe boldy. Qorǵaýshy bul nátıjeni chempıonattyń 28-týry aıasyndaǵy «Nottıngem Forestke» qarsy oıynda tirkedi.
Basylymnyń málimetinshe, Premer-Lıganyń ótken maýsymdaǵy eń jyldam oıynshysy «Tottenhemniń» qorǵaýshysy Mıkkı van de Ven bolǵan edi. Nıderlandııalyq oıynshy 37,38 km/saǵ jyldamdyqpen reıtıngte birinshi oryn aldy. Ekinshi oryndy «Nıýkasldyń» jańa oıynshysy shved Entonı Elan ıelendi, ol 36,65 km/saǵ jyldamdyqpen oınaǵan. Úzdik úshtikti osyndaı nátıjege ıe bolǵan Braıan Mbeýmo («Brentford») aıaqtady.
Premer-lıganyń eń jyldam oıynshylary (2024/25)
1. Mıkkı van de Ven – «Tottenhem»: 37,38 km/saǵ
2. Entonı Elanga – «Nıýkasl» / «Nottıngem Forest»: 36,65 km/saǵ
3. Braıan Mbeýmo – «Brentford»: 36, 65 km/saǵ
4. Karlos Borhes – «Výlverhempton»/ «Aıaks»: 36,58 km/saǵ
5. ıAnkýba Mınte – «Braıton»: 36,40 km/saǵ
6. Ýılson Odober – «Tottenhem»: 36,36 km/saǵ
7. Abdýqadır Hýsanov – «Manchester Sıtı»: 36,27 km/saǵ
8. Emmanýel Agbadý – «Výlverhempton»: 36,15 km/saǵ
9. Erlıng Holand – «Manchester Sıtı»: 36,01 km/saǵ
10. Markýs Reshford – «Manchester ıÝnaıted»: 35,35 km/saǵ
Aqparat úshin, Abdýqadır Hýsanov 2025 jylǵy qysqy transfer kezinde Frantsııanyń «Lans» klýbynan «Manchester Sıtıge» aýysty. Ol «Manchester Sıtı» sapynda Aǵylshyn Premer-Lıgasynda 6 matchqa qatysqan. Sondaı-aq Anglııa kýbogynda 2 matchqa, Chempıondar lıgasynda jáne klýbtar arasyndaǵy álem chempıonatynda bir matchqa qatysty. Qorǵaýshynyń «Manchester Sıtımen» kelisimsharty 2029 jyldyń jazyna deıin.
Eske sala keteıik, Transfermarkt portaly Hýsanovtyń qunyn 35 mıllıon eýroǵa baǵalaǵany jaıly jazǵan edik.