Apellıatsııalyq sot vaınerlerge qatysty úkimdi ózgerissiz qaldyrdy

ALMATY. KAZINFORM – Sot Mudarabah Capital qarjy pıramıdasy isi boıynsha apellıatsııalyq shaǵym boıynsha úkim shyǵardy. Sottalǵandar arasynda vaınerler Meıirjan Tórebaev pen Meıirhan Shernııazov bar.  

Almaty qalalyq sotynyń qylmystyq ister jónindegi sot alqasy Mudarabah Capital qarjy pıramıdasynyń jetekshileri men qatysýshylaryna qatysty qylmystyq isti apellıatsııalyq tártipte qarady.

«Sýdıalar alqasy taraptardyń ótinishteri men dálelderin zerdeleı kele, úkimdi ózgertý nemese joıý úshin negizderdi anyqtaǵan joq. Osyǵan baılanysty sot alqasynyń qaýlysymen birinshi satydaǵy sottyń úkimi ózgerissiz qaldyrylyp, apellıatsııalyq shaǵymdar qanaǵattandyrylǵan joq»,- dep habarlady qalalyq sottan.

Úkim zańdy kúshine endi.

Byltyr maýsym aıynda Almatyda Mudarabah Capital qarjy pıramıdasyn qurý isi boıynsha sot úkimi shyqqan bolatyn.

Atalǵan qylmysqqa qatysy bar Meıirjan Tórebaev pen Meıirhan Shernııazovtan basqa sottalýshylardyń barlyǵy Qylmystyq kodekstiń eki baby boıynsha kináli dep tanyldy.

Sot qaýlysymen Meıirjan Tórebaev pen Meıirhan Shernııazov bes jylǵa bas bostandyǵynan aıyryldy.

Qańtar aıynda Meıirjan Tórebaev pen Meıirhan Shernııazov apellıatsııalyq shaǵym túsirgen bolatyn.