Apellıatsııalyq sot Hasan Qasymbaevtyń úkimin ózgerissiz qaldyrdy
QONAEV. KAZINFORM — Qonaev qalasyndaǵy oblystyq sot ǵımaratynda Hasan Qasymbaevtyń apellıatsııalyq shaǵymy qaraldy.
Almaty oblystyq sotynda Hasan Qasymbaev jáne taǵy bes aıyptalýshynyń isi boıynsha apellıatsııalyq sot otyrysy ótti.
- Birinshi satydaǵy sottyń úkimi ózgerissiz qaldyryldy, — dep habarlady oblystyq sotynan.
Eske salaıyq, Hasan Qasymbaev 2024 jyly qarasha aıynda qamaýǵa alyndy. Іs boıynsha sot protsesi 2025 jyly 20 tamyzda bastaldy.
Al 11 qarashada Talǵar aýdandyq soty Hasan Qasymbaevty adam urlaý, densaýlyqqa qasaqana aýyr zııan keltirý jáne qorqytyp aqsha bopsalaý isi boıynsha kináli dep tanydy. Sot oǵan 12 jyl bas bostandyǵynan aıyrý jazasyn taǵaıyndady. Sonymen qatar is boıynsha taǵy bes adamǵa úkim shyqty.
Keıinirek Almaty oblysy Talǵar aýdandyq soty Hasan Qasymbaev pen taǵy bes sottalýshyǵa qatysty úkimniń mán-jaıyn túsindirdi.
Sot úkimine qatysty Hasan Qasymbaevtyń advokattary apellıatsııalyq sotqa shaǵym túsirdi.