Apellıatsııalyq sot «Dıkıı Armannyń» úkimin ózgerissiz qaldyrdy
ALMATY. KAZINFORM – Almatyda apellıatsııalyq sot «Dıkıı Arman» laqap atymen tanymal Arman Jumageldıevtiń shaǵymyn qarastyrdy.
Apellıatsııalyq sot birinshi satydaǵy sottyń úkimin ózgerissiz qaldyrdy. Sot otyrysy jabyq rejımde ótti. Bul týraly Almaty qalasy sotynyń baspasóz qyzmeti habarlady.
Eske salaıyq, 2022 jyly Almatyda polıtseıler qylmys áleminiń bedeldisi Arman Jumageldıevti ustaǵan bolatyn.
Keıin QR Bas prokýratýrasy «Dıkıı Arman» toby 24 beıbit turǵyndy urlap, kúshtep ustaǵanyn aıtty.
2023 jyly qyrkúıek aıynda Almaty mańyndaǵy № 72 túzeý mekemesiniń tergeý ızolıatorynda máslıhattyń eks-depýtaty Qaırat Qudaıbergen men Arman Jumageldıevke qatysty sot protsesi bastaldy.
2025 jyldyń qańtar aıynda sot Arman Jumageldıevti 20 jylǵa bas bostandyǵynan aıyrý týraly sheshim qabyldady.