Apellıatsııalyq sot Q.Sádýovke qatysty úkimdi ózgerissiz qaldyrdy
ASTANA. QazAqparat - Astana qalasynyń apellıatsııalyq sot kollegııasy óz áıelin órtep jibergen er adamnyń isi boıynsha úkim shyǵardy, dep habarlady elordalyq sottyń baspasóz qyzmetinen.
Eske sala keteıik, 2015 jyly mamyrda Qanat Sádýov № 25 orta mektep janynda burynǵy áıeli Svetlana Sádýovanyń ústine benzın quıyp, órtep jibergen. Alynǵan jaraqattar saldarynan japa shegýshi aýrýhanada qaza tapty.
2015 jyly 28 qazanda Astana qalasy Qylmystyq is jónindegi mamandandyrylǵan aýdanaralyq sotynyń úkimimen Qanat Sádýov QR QK 99-baby 2-bóligi 5-tarmaǵynda (asa qatigezdikpen kisi óltirý) kózdelgen qylmysty jasaǵany úshin aıypty dep tanyldy. Oǵan 18 jylǵa bas bostandyǵynan aıyrý jazasy kesildi. Ol jazasyn qatań rejimdegi túzetý kolonııasynda óteıdi.
2015 jyly 8 jeltoqsanda Astana qalasynyń Qylmystyq is jónindegi apellıatsııalyq kollegııasy atalǵan úkimdi ózgerissiz qaldyrdy.
Úkim zańdy kúshine endi.
