Apellıatsııa soty úı kezeginen sebepsiz shyǵarylǵan áıeldiń quqyǵyn qorǵady
Talapker kezekten shyǵarý týraly eshqandaı habarlama almaǵan, ony kezekten shyǵarýǵa negiz bolǵan joq dep sanaıdy. Al ózi 2011 jyly anasyna berilgen daýly páterde turady.
Astana qalasy mamandandyrylǵan aýdanaralyq ákimshilik sotynyń 2022 jylǵy 13 qyrkúıektegi sheshimimen onyń talaby qanaǵattandyryldy.
Birinshi satydaǵy sotta talapkerdiń anasy qaıtys bolǵannan keıin memlekettik turǵyn úı qorynan baspana alýǵa muqtaj bolǵany, daýly páterde turǵany, jyl saıyn jaldaý shartynyń uzartylǵany anyqtaldy.
Jaýapkerler ÁRPK qaǵıdattaryn buza otyryp, talapkerdi tıisti aryzdy jáne qujattardy usyný quqyǵynan aıyra otyryp, kezekten shyǵarý sheshimin ýaqtyly habardar etpegen.
Osyǵan baılanysty birinshi satydaǵy sot turǵyn úı basqarmasyna talapkermen joǵaryda atalǵan páterdi jaldaý shartyn jasasý mindetin júktedi.
Sebebi talapkerdiń menshik quqyǵynda óz úıi joq, sondyqtan turǵyn úı alýǵa muqtaj adamdarǵa jatady.
Budan basqa, talapker - jasy boıynsha zeınetker, halyqtyń áleýmettik osal tobyna jatatyn azamat.
Apellıatsııa satysyndaǵy sottyń qaýlysymen sheshim kúshinde qaldy.
Sot aktileri zańdy kúshine engen joq.
