Apellıatsııa alqasy «Barys - 4» bazaryna qatysty sot sheshimin ózgerissiz qaldyrdy

ALMATY. QazAqparat- Almaty qalasynyń mamandandyrylǵan aýdanaralyq ekonomıkalyq sotynda Almaty qalasy prokýratýrasynyń ýákiletti organǵa jáne A. tobyna mámileni jaramsyz dep taný týraly talap-aryzy, atap aıtqanda B JShS jarǵylyq kapıtalyndaǵy memlekettik úlesti satyp alý - satý sharty boıynsha azamattyq is qaraldy, dep habarlaıdy QazAqparat tilshisi.

Sot sheshimimen kelispegen jaýapker apellıatsııalyq satydaǵy sotqa shaǵymdandy.

Almaty qalalyq sottyń baspasóz qyzmeti málim etkendeı, apellıatsııalyq shaǵymda «Naıza-BN» JShS Almaty qalasynyń mamandandyrylǵan aýdanaralyq ekonomıkalyq sotynyń 2022 jylǵy 3 qazandaǵy sheshiminiń kúshin joıýdy suraǵan.

Alqa Memleket basshysynyń 2022 jylǵy 05 maýsymdaǵy № 98 Jarlyǵyn iske asyrý sheńberinde Almaty qalasynyń prokýratýrasymen zańsyz jekeshelendirý faktisi anyqtalǵanyn, osyǵan baılanysty jaýapkerdiń talap qoıý merziminiń ótip ketkendigin anyqtady.

«Apellıatsııalyq ınstantsııa ınvestorǵa ınvestıtsııalardy tartý sharty boıynsha rastalmaǵan bereshekti kórsetý JShS-degi memlekettiń úles qunyn aıtarlyqtaı tómendetýge múmkindik bergenin rastady. Belgilengen mán-jaılar boıynsha sot qaýlysy ózgerissiz qaldyrylyp, apellıatsııalyq shaǵym qanaǵattandyrylǵan joq»,- dep habarlady vedomstvonanyń baspasóz qyzmetinen.

Buǵan deıin Almatynyń ekonomıkalyq soty jekeshelendirilgen «Barys-4» kóterme saýda bazaryn memleket menshigine qaıtarý týraly úkim shyǵarǵan bolatyn.

Іs materıaldary boıynsha, 2013 jylǵy jeltoqsanda «Naıza-BN» kompanııasy memleketten «Barys IV» bazaryn satyp alǵan. Mámile shartyn Almaty memlekettik múlik jáne jekeshelendirý departamenti jasaǵan. Buǵan deıin Bas prokýratýra bul nysan bes ese tómendetilgen baǵamen satylǵanyn habarlaǵan bolatyn. Naryqtaǵy quny 1,5 mıllıard teńge bolsa, ol 307 mıllıon teńgege satylǵan.

Sot sheshimi zańdy kúshine engen joq.