APB jobasy: Qazaqstandyq boksshy Іlııas Súleımenov alǵashqy saıysta jeńiske jetti
ALMATY. QazAqparat - Bokstan Qazaqstan ulttyq qurama komandasynyń múshesi, 2014 jylǵy Azııa oıyndarynyń chempıony Іlııas Súleımenov (52 kg) Halyqaralyq áýesqoı boks qaýymdastyǵynyń (AIBA) APB (AIBA Kásipqoı Boksy) jobasy aıasynda alǵashqy saıysta jeńiske jetti. Bul týraly búgin Qazaqstannyń boks federatsııasynyń baspasóz qyzmetinen habarlady.
Reseıdiń Novosibir qalasynda ótken saıysta otandasymyz ózbekstandyq boksshy Jasurbek Latıpovty 3:0 (60:54, 58:56, 60:54) esebimen jeńdi. «Men Latıpovpen ótken jyly Astanada ótken halyqaralyq týrnırde kezdesip, ony 20:13 esebimen jeńgen bolatynmyn. Bıyl Azııa oıyndarynda fınalda taǵy bir ózbek boksshysy Shahobıddın Zoırovty tize búktirgennen keıin, Latıpovtyń bul kezdesýge tyńǵylyqty daıyndyqpen keletindigin túsindim. Biraq, men kúshimdi sarqyp almaı, alty raýndqa jetkizdim.
Bapkerlerim Marat Eleýsinov pen Aqylbek Nurmaǵambetov eki qalypta da judyryqtasa beretin ámbebap boksshyǵa qarsy qalaı áreket jasaýym kerektigin túsindirdi. Ony únemi qysqpaqa alýym kerek boldy. Bul taktıka óz nátıjesin berdi» - dedi Іlııas Súleımenova óz sózinde.
Іlııastyń kelesi qarsylasy 2013 jylǵy Álem chempıonatynyń kúmis júldegeri aljırlik Muhammed Flıssı. Ol óz kezeginde qarsylasyn merziminen buryn jeńdi.
Aıta ketelik, 52 keli salmaq dárejesindegi saıys Reseıdiń Novosibir qalasynda ótip jatyr. Oǵan 2014-shi jylǵy Azıada chempıony Іlııas Súleımenov, 2013 jylǵy Álem chempıonatynyń kúmis júldegeri Jasurbek Latıpov, Elıas Emıgdıo (Meksıka), Aleksandr Aleksandrov (Bolgarııa), Redýan Aslým (Frantsııa), 2013 jylǵy Álem birinshiliginiń kúmis júldegeri Muhammed Flıssı (Aljır), Ferando Martınez (Argentına), Álemniń eki dúrkin chempıony Mısha Aloıan (Reseı) jáne 2008 jylǵy Beıjiń Olımpıadasynyń qola júldegeri Vınchentso Pıkardı (Italııa) qatysýda.
