APB jobasy: Qazaqstandyq boksshy Birjan Jaqypov alǵashqy saıysta jeńiliske ushyrady
ALMATY. QazAqparat - Bokstan Qazaqstan ulttyq qurama komandasynyń múshesi, 2013 jylǵy Álem chempıony Birjan Jaqypov (49 kg) Halyqaralyq áýesqoı boks qaýymdastyǵynyń (AIBA) APB (AIBA Kásipqoı Boksy) jobasy aıasynda alǵashqy saıysta jeńiliske ushyrady. Bul týraly Qazaqstannyń boks federatsııasynyń baspasóz qyzmetinen habarlady.
Qytaıdyń Foshan (Gýandýn provıntsııasy) qalasynda ótken saıysta otandasymyz ókinishke qaraı, qytaılyq boksshy Lý Bınnen 3:0 (58:56, 58:56,58:56) jeńilip qaldy.
Osy salmaq kategorııasyndaǵy basqa saıystardyń nátıjesi mynadaı:
Davıd Aırapetıan (Reseı) - Karlos Pılataksı (Ekvador) 0:3.
Leandro Blank (Argentına) - Mark Barrıga (Fılıppın) 0:3.
Jonglın Vý (Qytaı) - Patrık Chagas (Brazılııa) 2:1.
Osymen, qazaqstandyq boksshylar úshin Pro-boksıng jobasynyń alǵashqy týry aıaqtaldy. Buǵan deıin Berik Ábdirahmanov (60 kg), Anton Pınchýk (91 kg deıin) jáne Іlııas Súleımenov óz saıystaryn jeńispen aıaqtasa, Ádilbek Nııazymbetov (81 kg) qarsylasyna ese jiberip aldy.
